Tez-tez soruşulan suallar

Bütün vakansiyalar www.career.ady.az vebsaytında əks olunur.

“Azərbaycan Dəmir Yolları” QSC-də daxili İşə Qəbul Qaydalarına uyğun olaraq, bütün namizədlər vakansiyalar üçün www.career.ady.az saytı vasitəsilə müraciət etməlidirlər.

Əgər sizin göstəriciləriniz vakansiyanın tələblərinə uyğundursa, həmin vəzifə üçün namizədliyiniz qəbul olunacaq və test imtahanına dəvət etmək üçün İşə qəbul şöbəsinin əməkdaşı sizinlə əlaqə saxlayacaqdır.

Namizəd tələblərinə uyğun gələn bir neçə vakansiya üzrə eyni zamanda müraciət edə bilər. Lakin müraciət etdiyi vakansiyalar üzrə müsabiqə vaxtı eyni tarixə və saata təyin edildikdə, bu halda o, yalnız bir vakansiya üzrə müsabiqədə iştirak edə bilər.

“Azərbaycan Dəmir Yolları” QSC-də müsabiqə bir qayda olaraq, aşağıdakı formalarda həyata keçirilir.

Qulluqçu vəzifələri üzrə: test və müsahibədən ibarət müsabiqə.

Fəhlə peşələri üzrə: test və peşə imtahanından ibarət müsabiqə.

Test imtahanının nəticələri barədə bütün namizədlərə ən geci 3 iş günü ərzində telefonla zəng vurulmaqla və elektron məktub vasitəsilə məlumat verilir. Həmçinin uğur qazanan namizədlərə növbəti mərhələ - müsahibə və ya peşə imtahanının keçirildiyi vaxt və yer barədə bildiriş göndərilir.

Test və müsahibənin keçirilməsi barədə məlumat imtahana azı 3 iş günü qalmış namizədin elektron poçt ünvanına imtahanın yeri və vaxtı barədə bildiriş göndərilir.

“ADY” QSC - də açılan bütün mövcud vakansiyalar Cəmiyyətin korporativ veb-saytının müvafiq bölməsində yerləşdirilir. Saytımızın “Karyera” bölməsinin “Vakansiyalar” hissəsində yerləşdirilmiş “Axtar” mexanizmi vasitəsilə işləmək istədiyiniz ünvan adı üzrə axtarış apararaq müraciət edə bilərsiniz.

Namizədin dünyagörüşünü, məntiqi təfəkkürünü, iddia etdiyi vəzifə (peşə) üzrə biliklərini müəyyən etmək məqsədi ilə onunla test imtahanı keçirilir.